MƏN NƏ ÜÇÜN DAK-dan ISTEFA VERDIM?

 

Uzun müddətdir DAK məclisi, DAK idarə heyəti və ümumiyyətlə DAK-ın apardığı tutarsız, Azərbaycan diasporuna zidd işlərə və bir-birindən xəbərsizlik problemlərinə görə DAK-ın Stokholmda keçirilən VIII Qurultayında təyin olunduğum Belçika nümayəndəliyi və DAK məclis üzvlüyümdən istefa edirəm. Lakin DAK-da üzvlüyümü DAK-ın bu il Brüsseldə keçiriləcək IX Qurultayına kimi davam etdirəcəm və həmin Qurultayda DAK sədrliyinə namizədlyimi irəli sürəcəyimi bütün Azərbaycan xalqına bildirmək istəyirəm.
Istefamın başlıca səbəbi DAK-ın heç bir bölgə nümayəndəliyi ilə birgə hərəkət etməməsi, DAK sədrinin özbaşına hərəkəti, digər ölkələrdəki DAK nümayəndələri ilə əlaqələr qurmadan həmin ölkələrdə tutarsız və adı çəkilən təşkilata ziyan vuran işlər görməsi, DAK-ın Bakı Ofisinin rəhbərliyinin sorumlu üzvlərindən xəbərsiz mətbuat konfransları keçirməsi və mətbuat açıqlamaları verməsi, DAK məclisinin DAK idarəsi ilə əlaqələrinin düzgün qurulmaması və nəhayət bu yaxınlarda DAK-ın Bakı ofisinin mətbuat xidməti tərəfindən təmsil olunduğum Brüsseldə Xocalı Soygırımının anım heykəlinin qoyulması və guya artıq bununla bağlı icazə alınması barədə gerçəkliklə bağlı olmayan açıqlamasıdır. Bütün bunlardan əlavə rəhbərlik etdiyim “Belçika Azərbaycan Evi”nin bu məsələ ilə bağlı heç bir məlumatı yoxdur və DAK tərəfindən verilən açıqlama tamamilə gerçəklikdən uzaqdır.
DAK-ın Belçika nümayəndəsi olaraq bu vəzifəmdən bütün dünya azərbaycanlılari önündə istefa verirəm, lakin DAK üzvü kimi üzvlüyümü davam etdirdiyimi bildirirəm. Bu ilin 9-10-11 dekabrında Brüsseldə keçiriləcək DAK-ın növbədənkənar qurultayında sədrliyə namizədliyimi irəli sürəcəyimi bəyan edirəm.
DAK idarə heyətində olan bütün dəyərli üzvlərə yeni qurultaya yeni bir nizamnamə ilə gəlmək fikrimi bildirirəm. Xatırladım ki, nizamnamədə bu günə qədər DAK sıralarında xidmət etmiş həmvətənlərimizin görüş və təklifləri də nəzərə alınmışdır. DAK-ı birləşdirməyin və Mərkəz Ofisinin Avropanın paytaxtı Brüsseldə olmasının tərəfdarıyam. Bu təşkilatın bundan sonrakı fəaliyyətində daha çox uğur qazanmasına və Azərbaycan diplomatiyasının Brüsseldə mərkəzləşməsi DAK-ın daha da inkişaf etməsinə səbəb olacaq. “Belçika Azərbaycan Evi”nin Brüsseldə olan bütün imkanları DAK-ın xidmətinə heç bir qarşılıqsız veriləcək və Brüsseldə heç bir problemin olmayacağını da əmin edirəm.
İstefamın bu gündən qüvvədə olduğunu bildirir, DAK-da bütün işləri bir üzv kimi davam etdirməyi məqsədəuyğun saniram.

Bülent Gürçam,
“Belçika- Azərbaycan Evi”nin sədri və DAK üzvü