Nəhayət

Bu günkü qəzetimizin ön səhifəsində bir xəbər var. Bu xəbər bizim qəzetimizin məramını və uzun illər diaspor təşkilatçısı kimi mənim geçdiyim yolu çox dürüst və doğrü əks etdirir.Bu yol xalqımızın sevərək addımladığı bir yoldur. Ona görə də elektron saytımızın başında ümummilli liderimiz Heydər Əliyevin sözlərini özümüzə bayraq etmişik: «Xaricdə yaşayan azərbaycanlılar təşkilatlanma prossesini keçib böyük bir güc olublar, bu gücdən faydalanmaq lazımdır».
Bəli, bu sözlərdə böyük bir həqiqət var.Təsadüfi deyildir ki, Ulu Öndərin bu ideyalarını bu gün onun layiqli davamçısı, Azərbaycan Respublikanın Prezidenti İlham Əliyev ləyaqətlə həyata keçirir. Prezident İlham Əliyevin çıxışlarının birində söylədiyi bu sözlər deyilənlərə bariz sübutdur: O, deyib: «...söhbət Azərbaycanı dünyada və Avropada tanıtmaqdan gedir və dolayısıyla söhbət xaricdə yaşayan Azərbaycan diasporundan gedir...».
Həqiqətən, bu gün Azərbaycanın dünyada tanıdılması yolunda xaricdə yaşayan azərbaycanlıların, milli diasporumuzun malik olduğu gücdən faydalanmaq böyük əhəmiyyət kəsb edir. Bizlər bu məsələ barədə çox danışmışıq, çox de mişk, gücümüzü çox göstərmişik. Amma, bu gücü heç vaxt heç kim ayıb. Lakin bu gün bu həqiqəti artıq ölkə başçısı özü təsdiq edir:-Azərbaycanı xaricdə tanıtmağın zəruriliyini təsdiqləyir. Bəs belə bir zamanda bizim qarşımızda duran vəzifə nədən ibarətdir? Biz hesab edirik ki, indiki vaxtda dünya Azərbaycanlılarını, xaricdəki milli diasporumuzu vahid bir qüvvə və güc mərkəzinə çevipmək, hərəkətə gətirmək hər hansı bir vaxtda olduğundan daha vacibdir. Dünyanın harasında yaşamalarından asılı olmayaraq hər bir soydaşımızın qüvvəsini hərəkətə gətirəcək tədbirlər görülməli və istiqamətlər müəyyənləşdirilməlidir. Elə bu qəvvələrdən biri də bizik. Həm qəzetimiz, həm də rəhbəri olduğum «Belçika-Azərbaycan Evi» buna hər zaman hazırdır. Yetər ki, bizə dəstək verən, səsimizə səs verən tapılsın.
Biz yaşadığımız ölkədə bu günə kimi bütün çətinliklərə baxmayaraq həyata keçirdiyimiz işləri davam etdirməyə hazırıq,Çünki,bu bizim bir vətəndaşlıq borcumuzdur. Biz üzərimizə, öhdəmizə düşən vəzifəni layiqincə yerinə yetirməyə hazırıq. Yetər ki, ölkə prezidenti bizə inansın.
Biz bu amalı özümüzə hədəf götürüb vəzifəyə hazır olduğumuzu burda bütün Azərbaycan xalqının qarşısında bəyan edirik. İnanırıq ki, dünyanın bütün guşələrində yaşayan azərbaycanlılar,milli diasporumuz bu çətin, müqəddəs və şərəfli, vəzifəyə hazırdır. Yetər ki onlara inanan, onlara güvənən, onlara əminlik verən insanlar olsun. Biz inanırıq ki, o zaman Azərbaycanın adı bütün dünyada eşidiləcək və Azərbaycan dunya dövlətləri arasında layiq oldugu yeri tutacaqdır.
Hörmətli Cənab Prezident! Xaricdə yaşayan çoxsaylı Azərbaycan diasporunun bir nümayəndəsi kimi Sizin tapşırığınızı və göstərişinizi gözləyirik. Sizi əmin edirik ki, çox qısa zamanda doğma Azərbaycanımızı dünyaya tanıdacağıq. Biz bu günü çoxdan gözləyirdik.

1 oktyabr, 2005