Yeni qəzet, diasporu Azərbaycana tanıtmaq
niyyətindədir.
Dünən ilk sayı çap olunan «Eu Xəbər» qəzetinin
baş redaktoru Bülənt Gürçam mətbuat konfransı
keçirərək yeni mətbuat orqanını ictimaiyyətə təqdim
etdi
O bildirdi ki, Belçikadakı «Azərbaycan Evi»
tərəfindən buraxılan qəzetin məqsədi xaricdə yaşayan
diasporun gücünə inanmağın vacibliyini, imkanlarını
diqqətə çatdırmaqdır.
«Uzun illər xaricdə yaşayan azərbaycanlı kimi
ölkəmizi tanıtmaq naminə diaspor təşkilatçılığı
ilə məşğul olaraq fəaliyyətimizi bu günədək davam
etdirməkdəyik. Bu qəzet həmin fəaliyyətin nümunəsidir»,-deyən
baş redaktor ittihamlardan uzaq qəzetçiliyə önəm
vermək niyyətindədir. Onun sözlərinə görə, qəzetdəki
xəbərlər xaricdə yaşayan soydaşlarımızın, əcnəbilərin
kənardan baxışlarını əks etdirəcək. O, qeyd etdi
ki, bu cür qəzet xaricdəki soydaşlarımıza deyil,
məhz ölkəmizə lazımdır.
«Azərbaycanda baş verənləri xaricdə olan 3-5 nəfərə
anlatmaq lazım deyil. Biz beynəlxalq təşkilatlara
özümüzü tanıtmalı, problemimizi anlatmalıyıq.
Qəzet Avropadakı hadisələri Azərbaycan oxucularına
çatdıracaq».
Qeyd edək ki, hələlik qəzet 12 səhifədə ayda ik
dəfə çıxacaq. Yaxın gələcəkdə isə qəzetin həftədə
bir dəfə çap olunması nəzərdə tutulur. Baş redaktor
onu da qeyd etdi ki,hətta qəzetin oxucusunun az
olması da onu yolundan döndərməyəcək.
Röya
«Ekspress» qəzeti,
24 iyun,2004-cü il.
